有啲野亂咁支持有陣時可能會錯得好交關，但如果係跑鞋相信你支持輕就一定無錯。當然除左輕之外，抓地力同保護性都係缺一不可啦，而Under Armour最新嘅跑鞋Flow Velociti Wind就滿足晒呢啲條件，甚至連個外型都靚到爆。

今次呢對Flow Velociti Wind，花左UA三年時間研發，不斷反球測試材料、性能以及超過11,000 英里嘅終極實測後先終於面世，簡直可以用嘔心瀝血黎形容。

Flow Velociti Wind今次完全顛覆過去嘅緩震技術，竟然捨棄橡膠外底，但同時Flow材質柔軟緩衝性佳，同時擁有強勁韌性及抓地力，所以可以達到減輕整體重量而不失功能性，最終好似男子9號鞋黎講重量只有8.5oz，係UA系列入面最輕嘅跑鞋，足以為跑者帶來巨大嘅減輕效果。

除左鞋底之外，今次Flow Velociti Wind嘅鞋面用上UA Warp編織，令重量大大減輕，亦令雙腳同鞋面更加貼合，為跑者提供足夠支撐及保持流暢度，呢一啲都係跑者們非常重視嘅問題。

其實唔睇功能，今次呢對Flow Velociti Wind嘅外型都好夠殺食，以白色為底色，配上黑色作副色，再以有啲搶眼嘅粉紅直線作點輟，唔拎黎跑步著出街都夠型啦。不過講到尾，好野就點都要撐既。