2019年，事件視界望遠 (EHT) 發佈咗首張黑洞照片，首次展示出位於M87星系中心、質量超級巨大的黑洞真身，不過如果只係睇張相，其實就只係一Pat中間有個黑色窿嘅橙色物體。事隔兩年，EHT再次發表M87黑洞嘅新相，今次就更為清晰，甚至能夠見到黑洞邊嘅磁場。

2019年發佈嘅黑洞照片

圖片：Event Horizon Telescope on Facebook

黑洞最為著名嘅特質就係會「吸收」包括光在內嘅一切物質，但同時黑洞嘅南北極又會發放出超級強大、長度可達數十萬光年嘅電漿噴流，而呢股噴流又與磁場有關，於是EHT嘅科學家們就理用偏光鏡嘅原理，過濾黑洞附近嘅炫光以及反射光之後，得出以下呢張更為清晰、能夠睇到黑洞附近磁場線嘅新圖片。

最新黑洞照片

圖片：Event Horizon Telescope on Facebook

對於你同我呢啲普通人，呢張就係一張更加清晰嘅黑洞照片，但對於科學們黎講，就可以進一步理解黑洞嘅磁場，以解開黑洞南北極發出電漿噴流嘅原理。同時亦可以進一步研究黑洞所產生的氣體 (即係橙色嗰堆嘢)、以及黑洞的大小變化。