之前有傳中國憂慮美國電動車製造商Tesla，會透過旗下電動車傳感器紀錄駕駛者周圍的視像，話咁樣可能有國家安全隱患，於是要限制黨政軍方、敏感行業的國企及關鍵機構人員使用Tesla品牌的電動車。好多人睇完一笑置之覺得中國以己度人。點知，原來中國政府不騙人，這些都是真的，近日Tesla收回部件車主的 FSD beta 版試用權限，原因呢類車主對路況唔夠關注，然後有記者問馬斯克，特斯拉的車內鏡頭，係咪會偵測影住車主有無專心駕車？答案一如所料：「Yes」。我國政府果真料事如神！

"revoked beta where drivers did not pay sufficient attention to the road" I'm curious how this was monitored and what was considered "sufficient." Not a criticism. A genuine curiosity.

— Moderately Amused (@SpinelessModer1) March 12, 2021

早前《華爾街日報》引述知情人士提到中國政府擔心特斯拉電動車可以獲得大量車主數據，包括車主去向、駕駛者個人信息，包括手機聯絡人列表等，當局擔心數據或被送到美國，因此要求部分機構，停止駕駛Tesla電動車工作上班甚至生活。而最近馬斯克係 Twitter 指出，將會回收返部份車主的 FSD beta 版試用權限。原因居然係呢班車主使用 FSD beta 功能時，行駕中對路況唔夠關注。馬斯克稱，之所以係 beta 版，就意味現行的所謂自動駕駛依然處於測試階段，雖然至今並無發生任何事故，但唔能夠完全不顧車況唔理會前路行駛。對於完全唔關注路況的車主，特斯拉將收回 FSD beta 版試用權限。問題就來啦！咁你點知人地唔專心唔望路況呢？於是有人問馬斯克，特斯拉的車內鏡頭，能否偵測車主的目光所在？馬斯克直接回答「Yes」。呢個亦都係特斯拉官方首次承認，有使用車內鏡頭監視駕駛。原來，中國政府的憂慮係合情合理！當然根據Tesla對有關的指控回應聲明稱，中國市場上的特斯拉汽車，均未開啟車內攝影鏡頭，不存在藉此侵犯用戶隱私的行為。