千呼萬喚、等了又等，終於被大家等到啦！khara於今日較早前發佈《新世紀福音戰士 (EVA)》新劇埸版最後一集《福音戰士新劇場版：│▌》嘅預告，並公佈會於2021年1月23日正式上映！

《福音戰士新劇場版：│▌》原定於今年6月上映，距離第三集已經隔咗8年時間，但隨後又因為肺炎疫情而被逼「無限期延期」。3日前khara先宣佈會於日本重新上映新劇場版前三集《序》、《破》、《Q》嘅4D，今日更加公佈《│▌》嘅第三條特報。短短30秒中大部份內容都係早前見過，但同時亦有如明日香及真希波換上白色駕駛服等新畫面。但最令人興奮嘅一定係片尾寫明2021年1月23日上映！

目前就未知香港幾時會有得上，當然亦唔會知道疫情未完全過去下，《│▌》會唔會再次延期令大家又一次空歡喜，但有得等都好過唔知等到幾時呀係咪？