{ SKIP }
文:MenClub 摯樂  圖:互聯網
POSTED ON 15 Oct 2020
【粟米政治】電動車興起打殘美國粟米農民左右總統選情

美國農民成為總統選戰重要的影響勢力,兩黨兩邊陣型都極力拉攏,由上年中美貿易戰打到現在美國農民利益都係重大議題,不過隨著電動車的興起加上Tesla一週兩次調低Model S價格,美國農民結構性問題勢必爆破,過到本屆選戰下年問題都肯定嚴峻,話說美國農民大量種植粟米,點知電動車對粟米農民造成重大打擊,原來農民種粟米唔係為咗賣粟米肉粒飯,十年來主要高增值來自粟米提煉乙醇燃料(ethanol)作汽油燃料,如今油價大跌,電動車興盛乙醇燃料銷量仆直,瘋狂種粟米蝕爆忿怒的美國農民將左右美國大選,甚至即使贏左選情美國社會都會爆發農民的大難題,除非邊一個偉大總統做Deal可以將粟米大量高價傾銷去中國。


唔係講笑,粟米農民將會係美國未來的不穩定社會因素,乙醇燃料(ethanol)係過去 20 年間運輸業常用的一種汽油替代品,約占了全球燃料比率的 5%,而美國正是世界最大的乙醇燃料生產國,佔全球產量有超過 60% ,而其主要原料就係粟米。因為美國可謂瘋狂種粟米,近十年栗米農賺大錢。但今年起畀電動車的興起一下打沉,加上油價大跌,歐洲以致全球開始減排下年起慢慢引混能電動新車。粟米農民正成為政治漩渦中心。


乙醇燃料通常會混入無鉛汽油中出售,美國多數農夫車同輕型貨車都能夠使用加入乙醇燃料的汽油,最常見的就是 E10(10% 乙醇燃料),雖然乙醇燃料燃燒時不會產生懸浮微粒,但同樣會製造一氧化碳、二氧化碳和碳氫化合物,故近年新研究認為加了燃料乙醇的汽油,會造成更嚴重的碳排放與霧霾問題,令本身打生物環保燃油的燃料乙醇唔再係環保之選。講開政治,今場選情也非常有趣,致力於反對空氣污染的民主黨,希望能夠加速交通工具全面碳中和的綠色腳步,而一向保守的共和黨當然站在保經濟保農民對立面。


為左搶農民選票,民主黨總統候選人拜登表示唔會盲目支持綠色新政(加速全面電動化),並且將大力發展包含乙醇燃料在內的各種可再生能源。但對比共和黨當然更激烈特朗普一路打緊大親農民嘅政治牌,前任美國環保局長 Scott Pruitt 正正因為堅定反對燃料乙醇,被特朗普公開炒魷。繼任局長 Adam Wheeler 則非常識做喊出堅定擁護粟米農民的口號。特朗普上個月更發出總統特許令讓原本只准許混入 10% 乙醇燃料的 E10 汽油,可以變成 E15(15% 乙醇燃料),藉此增加乙醇燃料的用量來替農民紓困。此外更推出 460 億美元的補助方案,要彌補農民在貿易戰、石油跌價和疫情帶來的損失。不過呢個政策並唔成功, 因為市場唔賣帳,由於油價下跌加上空氣污染等反對聲音,E15汽油無人問津,好多美國人油站直頭唔賣E15汽油。 總結特朗普盡全力幫助美國農民但係美國普羅大眾同埋汽油用家根本就覺得不入流。可見將來電動車大熱勢不可擋粟米農民肯定需要改革改種其他作物。


美國總統選舉在即可能美國農民喺呢段短時間會有所抉擇,但長遠美國政府肯定要收拾呢個爛攤子,贏到選戰都手尾長。 






Porsche Design推出一條影音Soundbar,特點係以保時捷911 GT3原廠排氣管和消聲器原型打造,最適合係屋企享受跑車引擎聲爆發的影音樂趣。相比起保時捷911呢個Soundbar全球限量500個,賣三萬2話貴唔貴但肯定係Soundbar ...
hobby
【影音】保時捷911 GT3原廠排氣管及消聲器原型Soundbar SE閃耀推出 ... ...
20 Oct 2020
全新 Canon眾籌平台推出全新PowerShot Zoom 望遠鏡相機,除左可以當望遠鏡用,仲可以影埋相,用來代替手機長焦鏡頭最好,用來睇波一流,我指去球場。
hobby
【高瞻遠矚】Canon眾籌睇波神器望遠鏡相機PowerShot Zoom
19 Oct 2020