口罩已經成為大家嘅日常用品，大家對口罩嘅要求嘅要求亦越黎越高，由以前「有就得」到依家要戴得舒服唔好太焗，再黎緊可能就係要戴得靚，亦令到口罩成為動漫週邊嘅就新系列。好似Bandai咁就出咗兩款《機動戰士高達》嘅可重用口罩啦！

圖片：p-bandai.jp

啲口罩係由Chara Mask製造，而實際上Chara Mask都唔係第一次與Bandai合作出口罩，8月時就已經出過同樣來自《機動戰士高達》嘅聯邦軍及渣古口罩，不過當時嘅設計就相對低調。反觀依家出嘅馬沙及薩比家版本就搶眼得多，其中馬沙款一包兩個，一個係黑色再加紅色馬沙標誌，另一個係成隻馬沙專用渣古嘅下半邊面；薩比家款同樣一包兩個，以薩比定軍服為主題，分別係基連嘅黑色同加曼嘅綠色。

圖片：p-bandai.jp

咁大家戴口罩就唔係為咗靚，都為咗防疫架係咪？所以口罩入面有加入銀系抗菌劑嘅抗菌防臭Filter，向內係100%棉，向外係防水嘅聚酯，而且係可以清洗。而且佢口罩黎架嘛，戴咗上去冇人知你係邊個架嘛，咁就唔使怕太毒太羞恥啦？作為著重防疫嘅高達迷都可以諗諗佢呀。