面對恐佈又兇惡嘅使徒，人類只能夠垂死反抗，幸好有EVA幫手挑戰使徒，維護和平。而面對行山或極地挑戰嘅你，又需唔需要幫手呢?

軍規打造嘅 Garmin Instinct 系列，今次與動畫神作《新世紀福音戰士》，推出全新 Instinct Evangelion 限定版 GPS 智能手錶。錶身採用與使徒對抗嘅EVA及NERV總部主色，配搭其中嘅主要角色碇源堂嘅名句「時鐘的針不會回頭，但可以用自己的手向前推」，令整件事變得更具意思。

睇番今次系列，配色依據《新世紀福音戰士》當中嘅主角們嘅EVA設計，其中包括一睇就知由碇真嗣駕駛嘅紫色初號機、明日香駕駛嘅紅色貳號機以及代表NERV制服底色嘅苔原白色，而錶面則印上大家都好眼熟嘅NERV蜂巢警報圖案。

除左手錶本身之外，今次Garmin嘅錶盒設計亦相當用心，耀眼嘅劇場版紅色，俯瞰面上則有手繪線稿，分別呈現初號機、貳號機及NERV指揮官戰鬥直升機YAGR-N101嘅機體細節，盒側亦有絕對領域 A.T.力場嘅超現實科幻雷射彩色，實在精美。

規格方面，今次限定版以美國軍用標準MIL-STD-810G打造，耐熱耐寒、耐撞擊、耐腐蝕，防水深度達100米，顯示屏強化玻璃唔單止防刮，喺猛烈陽光下亦唔會反光。另外，手錶內建三軸電子羅盤及氣壓式高度計，同時支援多種全球網路衛星系統，「GPS 時間同步功能」則會自動偵測你所在時區並且自行校時。