介紹返，如果想在家兩口子溫馨浪漫淺談輕吟，電視可以播放輕鬆火熱又乾柴烈火，溫暖和諧又有「拍拍聲」的超級背景大作，4K高清仲有60分鐘時間比大家居家感受，無錯正是近期忽然被人推返出來重新火熱的Netflix 2015年大作《家有壁爐》4K樺木版，一共4集，4種外國火爐實況燃燒一個鐘，其中三集可以選擇配樂與否！識得播在家一定Loop《家有壁爐》！

香港人自細睇故事書都有見到壁爐同煙囪，好多人細細個就甚為嚮往，不過香港畢竟是香港，相信無幾個家庭有真正壁爐，最多比個電暖爐你。如果想要個有真火燒著圍爐取暖的壁爐，可能就要靠Netflix，話時話，呢個《家有壁爐》4K樺木版近期唔知點解在網上重新爆紅，好多人特別點名推薦。顧名思義家有壁爐就係實況睇住個火爐的節目，乃火熱版魚樂無窮，但相較魚樂無窮，家有壁爐的拍攝更加認真。

不如睇埋製作特輯

唔好睇少個火燒一個鐘，節目本身都燒左3.5萬美元製作，而且拍左兩年時間，唔係就咁影住個爐咁簡單，一個好的火爐要控火，燒野都大有學問。總之，你而家有選擇，日後需要乾柴烈火或輕鬆治愈就識得播放《家有壁爐》4K樺木版。祝福大家能夠完夢日後屋企有個真的壁爐過童話書的生活。