全球手機出貨量排名於過去九年來，都係由Apple及Samsung壟斷第一，但據Canalys嘅最新分析，於剛過去嘅2020年Q2，即四至六月間，華為以5580萬部，超越出貨5370萬嘅Samsung，首次成為全球出貨量第一。

圖片：Canalys

分析指華為能夠成為第一，與肺炎疫情息息相關。對比上年同期，Samsung出貨量大跌30%，主因係其核心市場，包括巴西、印度、美國、歐洲等地都因肺炎痠情而大受打擊。另一邊廂華為海外出貨量其實都跌27%，但因為目前佢有超過7成貨量都係中國本土銷售，而中國本土銷售數字又因各種原因不跌反升8%，所以最後全球出貨量微跌5%，此消彼長之下就超越Samsung。

但分析同時亦指，隨住華為於國際市場更小心引進華為產品，其海外出貨量將難以大升，假若疫情後國際市場回復正常，單靠中國本土市場，華為出貨將難保持全球出貨量第一。