{ SKIP }
文:MenClub 摯樂  圖:互聯網
POSTED ON 20 May 2020
【脫中國化】抖音挖角由前迪士尼高層過檔做行政總裁融入美國

剛公佈成為全球非遊戲類應用程式下載量第一的抖音,近日又有驚人變革,成功挖角宣佈將會由之前係迪士尼負責消費者及國際業務的迪士奇高層Kevin Mayer過檔出任TikTok行政總裁以及其母公司ByteDance嘅營運總監。顯然對於抖音嚟講呢項任命係利多於弊,Mayer將會以美國人的身份撥亂反正帶領抖音洗白,降低全球用戶對於中國App嘅安全顧慮。可謂脫中入美擺脫身份枷鎖嘅睿智表現。

全球最受歡迎短影片App,備譽為睿智先玩的抖音,雖然係香港市場不甚被重視,但係海外可謂紅到發紫,正式成為全球最多人下載同最高營運收入的軟件。TikTok上月全球收入達到7800萬美元(約6億港元),按年大增10倍,不過當中當中86.6%收入來自中國,8.2%來自美國。而TikTok下載量已突破20億次,首次超越YouTube。但大家要留意嘅係所謂嘅全球當中有中國同印度呢兩個人口大國極力支撐抖音。

改組後母公司ByteDance創辦人張一鳴將繼續擔任ByteDance的行政總裁,而TikTok原總裁Alex Zhu,同時也是TikTok前身的Musical.ly的創辦人,就會擔任ByteDance產品和戰略副總裁。至於拋頭露面嘅嘢TikTok行政總裁以及其母公司ByteDance嘅營運總監就由Kevin Mayer接手。Mayer過去係迪士尼發展網路產品時扮演非常重要角色,包括Go.com、ESPN.com,以及上年成功帶領迪士尼推出的Disney+係半年內超標獲得超過5,000萬用戶。Kevin Mayer曾被視為迪士尼行政總裁的熱門繼任人選,不過後來二月份迪士尼宣佈新嘅行政總裁,卻由Bob Chapek接手迪士尼。

接任TikTok行政總裁之後,Kevin Maye係串流產品上的經驗相信可以推動TikTok的發展,不過相信佢最大的作用同挑戰,係以其美國人的身份同價值觀,可以降低歐美用戶對於中國App係安全上的顧慮。相信亦都需要帶領抖音突破喺美國中美關係緊張之下政治圈對抖音涉及中國及安全性問題的隱憂。肯定好多人會提出商業就係搵錢不涉及政治,你信唔信反正我就唔信。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024