當全球絕大多大型展會全部搞唔成之際，影音電子迷非常期待嘅一年一度的IFA 2020(柏林消費電子展)確認繼續實體舉辨，不過就縮細規模減少日數以新的實體發佈會方式繼續，到時將會以折衷方式限制1000入場，不設現場觀眾，大家安座家中欣賞今年不平凡嘅全新消費電子新產品，作為世界最大消費類電子產品展覽會，限住搞反而好想睇佢點搞。

每年一度嘅IFA 2020(柏林消費電子展)係世界電子科技影音消費嘅盛會，早前因為肺炎疫情一度傾向取消， 不過經過一個多月嘅商討，IFA 主辦單位決定今年如常（強行）舉行，但就因應德國柏林政府禁止超過五千人嘅大型活動禁令， 以全新形式將人數限制係1000人以內， 確保IFA能夠以新方式呈現但保留佢嘅核心價值。

“And remember: Innovation has not stopped. Our industry urgently needs a platform where it can showcase its innovation, so that it can recover and rebound.” pic.twitter.com/huIDAZiycU

— IFA Berlin (@IFA_Berlin) May 19, 2020

據知大會得到德國柏林政府許可之後，確認會於今年9月3日至5日舉辦由原本6日減到3日展期。 大會會優先確保參與者安全， 今年展會會以四場單獨邀請活動形式舉行，分別係最重要的Global Press Conference由高通總裁致開幕辭，然後官方會展示各種最新的產品。其次係將原本 IFA Next 和 IFA Shift Mobility 合併成一個活動，主力關注初創公司同汽車產業。第三項活動係 IFA Global Markets 相信主要介紹供應鏈有關之內容，最後的 IFA Business, Retail and Meeting Lounges 會為廠商及零售商提供溝通合作的機會。會方會以最高的衛生標準去準備展會，減少人數外，也減少舞台數量，盡量做到簡單但目標為本。

IFA源於1924年，初期係第二次世界大戰後每兩年舉行一次，後來由於市場需求上升，自從2005開始改為每年舉辦。係全世界最大的消費類電子產品的展覽會。每年都會發佈電子新產品同大細廠商們對來年的產品拓展路向，備受影音電子迷關注。

今年作為不平凡特別的一年，首次全球同時受到疫情影響， 所有國際性大型展會及民間活動都要重新思量，未來註定至2020年開始劃分出一個全新嘅全球性新模式。