{ SKIP }
文:MenClub 魏文青  
POSTED ON 18 May 2020

戲院重開,相信唔少戲迷都好想快啲入場睇戲,問題係所有大作都因為疫情延期,唔計《數碼暴龍Last Evolution 絆》(因為你女朋友唔會放你去睇) 似乎又真係冇咩令你入場嘅好理由。放心,本港各大院線似乎都係咁認為,所以紛紛拎嘢啲經典電影出黎,唔知以為係道X星期日影院加明X930呀!

Warner Bros. 重推《黑夜之神》

Christopher Nolan嘅新作《Tenet》要等到7月先有得睇,之前嘅呢個空檔,發行商就決定重推Nolan執導、第一集距今已經15年嘅《Dark Knight》三部曲,順序於6月4日 (嗯?)、6月11日及6月18日重新上映,據報三集都會有IMAX版本。目前已知UA院線將會參與是次重映,未知其他院線會否跟進。

講開UA就順手講埋,UA早前推出「Showreel Film Pass」,將多套電影分成「鬥智鬥力」、「驚慄奇情」、「奇幻刺激」等7個系列,每個系列三至四套戲,但一個系列嘅Film Pass只需$150 (三套戲) 或$200 (四套戲)。其中比較吸引嘅有「飢餓遊戲系列」,即係一次過睇返哂四集《飢餓遊戲》。

另一邊廂,Broadway就接手圓方商場嘅戲院並命名為「PREMIERE ELEMENTS」,重開後亦會於CGS 4K激光巨幕影廳及THX原音聲效認證影廳,重新放映2015年電影《Mad Max: Fury Road》。唔鍾意動作片嘅你,亦可以選擇極富詩意嘅4K修復版《聲光伴我飛》(又稱《海上鋼琴師》),或者韓國經典愛情喜劇…但後半段喊死我嘅《我的野蠻女友》。

要數到最有道X星期日影院味道嘅,就一定係嘉禾院線,事關佢哋推出「好想瘋狂睇港產片」系列,將會重映陳奕迅及張柏芝嘅經典港產愛情片《十二夜》,以及《最佳損友》、《最佳損友闖情關》等嘉禾經典,據知之後仲會有《風雲:雄霸天下》、《夏日的麼麼茶》同《東京攻略》等好戲重映。

外語片方面,佢哋亦推出「好想睇多次」系列,目前公佈有印度電影《起跑線》,《挑戰者一號》及兩套Tom Holland版《蜘蛛俠》。但不在此系列嘅仲有超巨幕版《Pulp Fiction》、《2001: A Space Odyssey》及《Good Will Hunting》,而且限定一場,爆哂乜滯架啦。

另外要提醒一下,雖然我知有戲睇大家好開心,但亦請務必循守各個院線嘅防疫措施,戴口罩呀、發燒冇得入場、隔住坐之類大家都識架啦,亦要注意部份院線目前禁止飲食,反正就睇得安全啦下!

日本創意品牌BIBILAB最鄗推出一款「睡眠帳篷」,專為一眾鍾意攤喺度打機煲劇嘅懶人而設。而且玩到眼瞓嗰陣,仲可以拉埋塊遮光簾即刻倒頭大睡,唔怕天光時畀太陽曬醒! 呢款名為「スリープシェルター L ...
hobby
【奇趣】躺平打機煲劇助眠神器!日本廠商推出可摺疊式「睡眠帳篷」
06 Feb 2025
而家潮流興Reboot、Remake、Remastered(都係炒冷飯啦),遊戲界亦唔例外。繼2018年《鬼武者》高清復刻版後,如今CAPCOM宣布《鬼武者2》亦會推出高畫質復刻版,預計今年內登陸PC、PS4、Xbox及Nintendo Switch等多個 ...
hobby
【電玩】柳生十兵衛回歸!《鬼武者2》高畫質復刻版宣布今年內發售
05 Feb 2025