{ SKIP }
文:MenClub 摯樂  圖:互聯網
POSTED ON 18 May 2020
英國Chord重生古老品牌English Electric首件產品音響級Network Switch

近一年來音響發燒世界推出得最多的一種產品如雨後春筍,大小廠家紛紛推出,除左藍芽耳機以外,你估到係咩野產品嗎?你未必估到原來係Network Switch,每個星期都有全新的音響級Network Switch爆出來,一陣我地再討論音響專用Network Switch功能上作用,但今日就先講一個特別的品牌,英國Chord重新將古老的英國電氣公司English Electric復活,用來推出全新影音產品,佢第一件產品正是音響級Network Switch 8Switch,到底係咪玩CAS數碼音響的朋友一定要用Network Switch提升聲音質素?市場回答係絕對無錯

先講一講品牌English Electric,佢原公司就好像西電咁係通用的電器公司,English Electric成立於1918年12月,係兩次世界大戰中為英國提供工業,運輸軍事家用等不同電器同產品,直到1968年,English Electric的運營與GEC的合併,呢個名字先慢慢消散係歷史中,而英國Chord音響就係上年宣佈將復活呢個品牌線,用來推出影音產品,剛剛今個月English Electric 21世紀第一件也是暫時唯一的產品推出係Network Switch 8Switch,以電腦理論就係一部將網絡分線的網絡路由交換器。

Network Switch 係音響世界愈來愈重要,愈來愈多廠推出相關產品,點解?因為玩CAS電腦影音的人多左,然後大多數人的經驗係網絡開始成為主流,但網絡線,網絡質素開始對系統聲音帶來影響,而且影響力強大,十年前開始有「行得太前」的CAS玩家發現加左Network Switch後居然係寧靜度分析力音場結象都有提升,然後就有人研究專門比音響用的Network Switch ,將佢當成音響的濾波器,當我們播放音樂由NAS或電腦經網線去播放器時,音樂訊號就來來回回經電腦武NAS進入音響系統當中,連帶大量的訊噪離訊等不必要的噪聲都會跟隨進入音響播放系統當中,因而帶來聲音上干擾及劣化。

音響級的switch同電腦普通電腦的唔同,一般由用料上,其次就係電源上做功夫,加電容加線性電等等方法加強電質素同靜度,但最重要最多人用的是利用高精度訂製時鐘確保音樂資料精準度,以及降低噪訊等,以English Electric 8 switch作為例子,佢用定制的TCXO(溫度補償石英晶體振盪器)提供動力,精度為0.1ppm –遠高於普通晶體,也高於普通TCXO,從而使8Switch能夠生成更高精度的網絡信號,進而有助於提供更穩定的音樂數據傳輸。當訊號經過switch後就會跟clock信號同步,有助減低時基誤差Jitter!

根據English Electric的報告指出,比較旗下8switch與常規網絡路由器相比,性能提高和Jitter測量(少90%!)。當然間間廠都推出主因係呢類產品可以為玩CAS電腦影音的玩家帶來好大的聲音改善,然後產品的價格高昂得來同其他音響產品比較又平好多,客人願意投資購買,利潤當然也比一般路由器高!於是就如雨後春筍大家紛紛搶住推出,價格也一路急升,仲愈出愈高級。



8Switch就係一件具有八丟位100/1000 Base-T千兆位以太網端口的網絡路由器,將你LAN線由音樂儲存電腦或NAS連上,再通過另一出口接另一條LAN線去音響播放器,中間就以Network Switch作過濾,English Electric稱咁樣就可以更穩定地更好聲傳輸音樂數據。唔係信唔信的問題,因為呢一年無人會反對呢個概念對聲音的改善,除非你未玩過,但問題永恆在於你為音響這些配套願意付出幾多錢去改善聲音質素。



以作品計銷售量比起第二至第十名加埋都多
hobby
日漫上半年銷售榜 《鬼滅之刃》包辦頭十九名
29 May 2020
【朱克伯格!服務大家】Facebook望搵到方法香港共存配合適應國安法 Facebook行政總裁朱克伯格被人問到香港問題時就話,佢正密切留意中美呢一場全球範圍嘅意識形態抗爭(battle of ideas),希望自己Facebook可以 ...
hobby
【朱克伯格!服務大家】Facebook望搵到方法香港共存配合適應國安法 ...
29 May 2020