Josef Koudelka可以話係數十年來世界最具影響力及最著名嘅攝影師之一，其視覺語言無與倫比、強烈且非凡。1938年出生於捷克Boskovice，現居巴黎及布拉格，由Koudelka經典攝影作品精選所組成嘅最新展覽，已亮相於德國威茲勒恩斯特·徠茲博物館。

今次展覽中心位置展示嘅係名為《流放》嘅系列，是其最具個人風格及令人難忘嘅系列之一。展品揭示了攝影師多年來以無國籍身份流浪生活嘅經歷，特別在當中嘅黑白影片中感覺到強烈嘅對比，又強調外觀及形狀，同時保持悲憫的距離。

(華沙盟約部隊於 1968 年 8 月入侵捷克斯洛伐克的布拉格 - Caption © Josef Koudelka / Magnum Photos)

(愛爾蘭，1972 - Caption © Josef Koudelka / Magnum Photos)

Koudelka作為世界著名嘅攝影大師，早於20世紀60年代已經開始攝影之路，本來作為工程師嘅佢放棄工作，全心投入攝影。其最著名嘅作品是在1968年8月拍攝的華沙條約軍隊鎮壓「布拉格之春」。Koudelka用直接及即時嘅影像記錄了絕望嘅市民及入侵者之間嘅巷戰。 1969年，佢嘅攝影底片被秘密運送出境，在入侵週年紀念日，瑪格南圖片社以「P.P.」嘅署名發表呢一系列照片。即使在世界範圍內出版並得到認可，Koudelka出於自身安全考量，一直無公開「布拉格照片」這一名稱，直到佢先後於1970年及1980年移居倫敦及巴黎。那時期拍攝嘅照片非常具體反映其在疏離感與使命感之間嘅掙扎。 「我發現自己身處捷克斯洛伐克之外，於是決定做一些我在那裡無法做的事情：看看這個世界。」 

(西班牙，1973 - Caption © Josef Koudelka / Magnum Photos)

今次恩斯特·徠茲博物館嘅展覽一共展出Koudelka 68件作品，為深入了解Koudelka畢生之作提供絕佳機會，其作品反映了人類與命運、生機與死亡、當代歷史與永恆之間令人興奮嘅對話。

(安曼，約旦，2012 - Caption © Josef Koudelka / Magnum Photos)

Koudelka在入瑪格南圖片社後，便開始更頻繁使用Leica相機進行攝影創作。後來，佢亦喺Leica嘅陪伴下過渡到數碼攝影時代：一台專門為佢設計嘅基於Leica S2相機嘅全景相機。

展覽日期: 即日至8月23日