{ SKIP }
文:MenClub 摯樂  圖:互聯網
POSTED ON 27 Mar 2020
【假亦真時真係假】武漢肺炎下近期5大最爆烈廣傳假新聞

疫情底下世界每日都面對好多唔同嘅假新聞,大部份大家一眼睇落去就知道係假,但當中都有好多成功的假新聞容易令人信以為真,以下我總結近期五大最多人信以為的假新聞同大家分享一下,最強大的假新聞係你明知係假但偏偏主動SHARE幫手傳播, 前題可能是好有趣,認為得你知道係假你豬朋友們會信以為真,講到底抗疫生活太苦悶人類需要娛樂調劑一下。

以下為近日有關新型中國美國意大利冠狀肺炎的五大最多人相信同廣傳的假新聞,當然只要用腦分析加以FACT CHECK唔難搵到破綻,不過有時更多係一睇到呢d假新聞就覺得好有趣再加以無限想像同進化將自己另有所想的想法轉發比別人,無錯我地傳的唔係新聞唔係資訊而是一種玩笑或者分享娛樂心態。


第五位 來自Bill Gate的抗疫公開信

英國《太陽報》 刊登左比爾蓋茨的公開信,這封信得到網絡極大關注,受到很多人轉發,大家稱讚比爾蓋茨是真正的智者寫出好多至理名言。不過後來證實係假的, Bill Gate無寫過 「新冠病毒給我們上了一堂什麼樣的課」類似的信。其實華人世界呢類假資訊好常見,問題是源頭,大家信係因為呢個公開信最初係由《太陽報》刊登,結果太陽報道歉兼刪文。無錯呢個世界出自有頭有面新聞媒體的都可能係假,過去大家無法相信,如今其實好多新聞都事事但但,唔出奇。我地仲見到好多所謂牧師寫、李嘉城寫的暖心良言,內容相當唔錯不過就係假借高人的大名。




第四位--意大利總理面對疫情宣佈意大利國家投降

意大利係全球新型武漢肺炎受災最嚴重的地區之一,近日網上流傳一個資訊指意大利總理已宣布投降。表示意大利面對新型冠狀病毒大流行,所有資源都已經用盡所有辦法都已用完,意大利投降了。然而經過FC同用腦思考,敵人非戰爭敵國,投降有咩用,難道同武漢肺炎簽和約簽停戰協議嗎?所以呢個消息當然就係假,不過好多人就傳來傳去再加入自己意見例如對比讚賞某D強大國家抗疫勇氣!

第三位-- 戰鬥民族普京放500隻獅子係街頭強制民眾留家抗疫


呢個新聞用電影的劇照再加句對白就完成,其實假得相當明顯,不過好多人內心敬佩戰鬥民族大佬普京總係認為呢條友應該會做得出放獅子強制人唔出街隔離。甚至可能諗多咗覺得完成隔離之後武將普京會親自上街消滅獅子。反正出獅子走獸抗疫值「十個趣!」。



第二位--C朗將旗下Pestana CR7 酒店改建成醫院助抗疫?

根據西班牙馬卡報的報導,球星C朗因為隊友魯加尼確診新冠肺炎進行自我隔離,而佢宣布會將自己係葡萄牙旗下開設的連鎖酒店,改成治療肺炎臨時醫院,而醫護人員的薪水及病人費用,由部由佢一力負擔。呢個新聞一出就受世人廣傳,大家都當佢「神」一樣敬仰,不過諗深一層歐洲醫療體系複雜極具專業性,就算C朗有錢都唔可以隨便將自己旗下酒店改裝做醫院。 當然結果係Pestana CR7酒店公開澄清以及西班牙馬卡報刪文道歉誤傳。一個假新聞最唔公平嘅地方係令人讚嘆C朗拿度真球星典範之餘對照阿根廷球星美斯無啦啦被屈點解可以乜都唔做,實際上根本無來無一物,乖乖在家隔離最實際。

第一位 比利時衛生部長宣佈為左抗疫禁止換妻及3P以上群交亂交

呢個絕對係本週最爆烈的假新聞,而且佢係假新聞中極致,即係大家明知係假都樂此不疲將呢件新聞廣傳,可能由於內文相當之「爆」,首先成段新聞唯一真確係比利時衛生部長Maggie de Block,仲用左佢大頭做新聞,咁當然不論假新聞好真新聞好由佢口中講出來的信息咁「爆烈」自然造就一場嘩然。內文提到佢自稱「 比利時係歐洲乃至全世界的啤酒和Group sex群交之都。作為一個國家,我們必須係疫情下解決這種情況。於是佢宣布「比利時係疫情穩定受控之前,不允許換妻,3P性交以及3人以上到六,五十,一百或更多人的群交。”

內文仲要話衛生部長Maggie De Block並未禁止單身自慰或兩個人性行為,例如手淫,肛交或口交,甚至獸交。當記者問起獸交時,她補充話:“這些措施僅適用於人與人之間的性接觸,不適用於人與動物之間的接觸。”最後文章再補多句「絕招」:2018年的一項調查顯示,超過78%的比利時夫婦公開進行換妻,這種社交文化係19世紀國王Leopold II的統治下變得很普遍。

當然成個新聞除左個衛生部長Maggie de Block無一樣是真確,講真論性開放文化比利時又點會強得過荷蘭?反正大家睇得開心笑得開懷,好多人馬上傳比自己老婆同人地老婆,然後問:「哈哈,比利時人真好痴線78%換妻都有,你話係咪?換妻喎你估人人接受到咩?你話你接唔接受?」

以上就係呢個星期疫情底下最受廣傳的5單假新聞,其實假新聞日日都有,大家要保持腦袋清醒。識分邊樣是真邊樣係假多做FC,當然有時有些開心娛樂傳比朋友大家笑一笑無妨,最緊要唔好出不必要的門,大家乖乖留在家「假佛系」又或者「狂佛系」真抗疫。



以作品計銷售量比起第二至第十名加埋都多
hobby
日漫上半年銷售榜 《鬼滅之刃》包辦頭十九名
29 May 2020
【朱克伯格!服務大家】Facebook望搵到方法香港共存配合適應國安法 Facebook行政總裁朱克伯格被人問到香港問題時就話,佢正密切留意中美呢一場全球範圍嘅意識形態抗爭(battle of ideas),希望自己Facebook可以 ...
hobby
【朱克伯格!服務大家】Facebook望搵到方法香港共存配合適應國安法 ...
29 May 2020