{ SKIP }
文:MenClub 摯樂  圖:互聯網
POSTED ON 25 Mar 2020
【同步過冬】YouTube宣佈降低畫質預設480P擴大到全球範圍

低清殺到,受武漢肺炎疫情影響,大家都HOME OFFICE或留在家中上網,世界各地的網絡網速順暢運行係高用量高壓力下成為潛在問題。為達到人人有片睇,YouTube宣佈除左上週提出歐洲地區降高清調降畫質外,呢項調整範圍將擴大到全球。未來一個月 YouTube 將在全球地區暫時將影片預設為標準畫質(standard definition),即係 480p(720 x 480)不過大家一定要睇高清4k都可以自己手動調整,為左地球所有人,大家將就將就好好係屋企睇住標准畫質先,加油!



早係上個星期,歐洲地區的大爆發大隔離就大大加壓串流的流量,歐盟數碼政策專員Thierry Breton上星期就呼籲串流媒體平台如 Netflix 和 YouTube 有責任採取相關措施,以確保網絡能正常運行。並指出觀賞影片時,高畫質是非必要的,係呢段期間應將畫質調整成標準解像度,等每個人都可以順利地使用網絡睇到片同資訊。

 


Netflix 就已經宣佈未來 30 日係歐洲地區實施降速,預估會減少 Netflix 係歐洲網絡流量的 25% ,但同時也會確保提供會員優質的畫質服務。好彩的是香港暫時未受影響。YouTube 也有相關跟進,宣佈係歐洲地區調降畫質。時隔幾日,母公司 Google今日更新聲明,指出這項調整的範圍將擴大至全球。未來所有人的 YouTube將預設為標準畫質(standard definition),即為 480p(720 x 480)。當然手動可以變返做4K,請自行思考有無咁的必要!

Google 的聲明指出:「有鑑於全球處於這次的危機之中,我們自今日開始將更動(調低預設畫質)擴展至全球。此更新正慢慢地實施,用戶可以手動調整影片的畫質。」「我們會繼續與全球政府和電信營運商密切合作,盡我們所能,在這種前所未有的處境下,把在系統上的壓力降到最低。」

串流成為疫情下世人最大的娛樂,係重災區歐洲除了左 Netflix 和 YouTube ,Amazon、Disney+ 以及 Apple 都已經係歐洲地區採取相應措施。而YouTube則是唯一一個在全球實施調整影片畫質的影視平台。有福同享有難同當,作為人類命運共同體,相信可以理解。你近期睇得最多的串流係邊個頻道?會唔會唔係上面列舉之中,係一個暫時免費的Premium頻道?


 

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025