經典動畫《魔神英雄傳》新作《魔神英雄傳 七魂的龍神丸》正式宣佈將於今年4月10日播映，作為唔少人嘅共同回憶，呢套新作都真係令唔少人非常期待。

新作《魔神英雄傳 七魂的龍神丸》主角繼續係永遠長唔大嘅飛雲，佢將要再一次進入上下巔倒嘅創界山拯救世界。而主角機體龍神丸被邪惡力量搞至四分五裂，因此要以龍蒼丸姿態作為今次故事嘅第一機體，故事發展落去龍蒼丸將可以獲得不同變身能力，好似化身成飛雲師傅機體戰神丸嘅龍戰丸等等。

《魔神英雄傳 七魂的龍神丸》喺宣佈左4月10日正式播映後，亦同時宣佈搵番田中真弓、林原惠、西村知道、伊倉一惠、玄田哲章等過去參與過《魔神英雄傳》嘅原班人馬參與今次新故事配音。

另外，最新嘅宣傳影片亦都於上面嘅影片中發佈，當中可以睇到龍蒼丸嘅部份變身情況，特別係變身為龍戰丸後拔出雙刀嘅畫面，著實係非常令人期待！

波特先生Facebook Page

https://www.facebook.com/mrharrypotter65/