{ SKIP }
文:MenClub 摯樂  圖:互聯網
POSTED ON 11 Oct 2019

【推薦新作】迪士尼Pixar全新親情魔幻作《½的魔法》

近期迪士尼Marvel飽受追擊,金像導演馬田史高西斯話Marvel超級英雄片根本唔係「電影」,只係主題樂園,然而係網絡上居然有唔少附和之聲,當然近期流行最紅的係對家DC小丑,聲勢上迪士尼確實不濟,不過迪士尼從來只睇盤數,係咪電影任你講,如果你問迪士尼公認最好的電影創作係邊度?應該都係數到彼思動畫製作室(Pixar),反斗奇兵之後彼思又有大作,全新奇幻之作《½的魔法》預計2020年 3 月 6 日上映,剛推出預告,創意之泉係彼思,可能仲可以串返馬田史高西斯,唔通全部都係60路以上演員老人家拍出來的先叫「電影」?

 

 

《½的魔法》故事設定係一個無人類,有魔法但係又非常現代的奇幻世界。係呢個世界有是仙子、巨人、樹精靈和唔同的妖精等。故事主角係兩個精靈兄弟,他們為了見到從未見過的亡父,意外而踏上尋找魔法寶石的旅程。

 

整個故仔始於兩個細佬的 16 歲生日,媽媽送左他們的一份禮物係一枝魔杖,同埋一封已經亡父留低的信,信中提到因為世界越來越多科技帶來便利,魔法先會漸漸衰敗而沒落。隨信附上仲有一個咒語──呢個咒語能夠讓從未相見的父親有一日的時間,返來人間睇睇佢地長大的樣子。不過可惜咒語已成功一半,只變到老豆的下半身,魔杖上的寶石爆裂。結果,得半個身的老豆,就要靠兩兄弟24小時內將佢變返出來,就係咁踏上尋找另一顆寶石的還原之旅……

 

以上呢個故仔到底有無創意,係唔係屬於一部好的電影暫時就言之尚早,相信如果大家想知金像導演馬田史高西斯眼中的好電影,就要去睇佢新作黑幫風雲的《愛爾蘭人》(The Irishman)

 

如果大家係迪士尼彼思動畫製作室的粉絲,就要睇實呢部新作,下年3月就有得睇,說時遲那時快呀!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024