{ SKIP }
文:MenClub 波特先生  圖:互聯網
POSTED ON 11 Sep 2019

去年夏天葡萄牙巨星C朗拿度決定離開皇馬,加盟意甲班霸祖雲達斯。當時已經33歲嘅C朗,竟然吸引到祖雲達斯以1億歐元將佢收歸旗下,唔少人都覺得祖記為年紀不小嘅C朗耗資咁多係不智之舉,但而家睇黎祖記其實係賺到笑。

表面上,祖記為C朗花費1億歐元轉會費,再加上其週薪50萬鎊,實在係多得驚人,但係背後C朗卻為祖記帶來巨大收益。首先,獲得C朗加盟後嘅祖記,受關注程度大幅增加,好似祖記嘅官方社交媒體帳號,由4900多萬提升至8300多萬,亦即係代表祖記擁有更多嘅球迷基數。

另外,擁有C朗嘅祖記隨即獲得更多贊助商嘅青睞,其中好似adidas就即時增加對祖記嘅贊助費至每年5100萬歐元,而合同到期日將至2027年。同時,另一贊助商Jeep亦有傳大幅增加對祖記嘅贊助費,由原來每年嘅1600萬歐元增至5000萬歐元。

單係上面嘅數字,基本上已經可以輕鬆蓋過球隊為C朗付出嘅轉會費,仲未計接下來C朗繼續為球隊帶來嘅正面影響及收入,所以如今再次看回祖記付出嘅1億歐元轉會費,實在係抵到離譜!

再黎就係C朗拿度嘅職業態度,由於C朗對訓練及比賽都係100%完全認真,所以佢同時亦都要求隊友要非常認真,呢一點可以帶動全隊球員都投入訓練及比賽,令球隊實力獲得提升。正正係因為咁,所以C朗嘅球隊往往實力都係非常強的。

又一個冠軍!
hobby
【連續三年】「火箭」上海大師賽再奪冠!
16 Sep 2019
好好享受生活吧!
hobby
【真男人】李宗偉掛拍後終向老婆兌現承諾!
16 Sep 2019