由Christopher Nolan執導嘅史詩鉅作《The Odyssey（奧德賽）》仲有一年左右先上映，但首部預告片日前已聯同《Jurassic World: Rebirth（侏羅紀世界：重生）》喺北美戲院一齊播出。不過，有觀眾就偷錄咗影片，並上傳到各大社交平台。

Official Images of The Odyssey movie pic.twitter.com/XYAjxhwEC7

— Timeless Praise™ (@First_alphas) July 2, 2025

《The Odyssey》首部預告最近正式登陸北美院線，安排喺《Jurassic World: Rebirth》放映前在獨家播出，意味住想搶先收看《The Odyssey》預告，就必須買飛入場觀看《Jurassic World: Rebirth》，非常符合Christopher Nolan身為「戲院體驗派」嘅作風！話雖如此，但有唔少觀眾就偷拍咗呢段預告，並上傳到YouTube、TikTok、X等社交平台。目前未知官方會幾時先正式在網上公開呢條預告。

據外媒《Variety》文字描述，長達70秒嘅預告中，簡單展示咗Matt Damon飾演嘅主角Odysseus、佢個仔Telemachus（Tom Holland飾），以及一個由Jon Bernthal扮演嘅神秘角色。預告一開始影住一個深藍色嘅大海，旁白道出：「黑暗，宙斯嘅律法變得支離破碎。自從我主人隕落後，呢個地方就再冇國王。佢早就知道，呢一場係注定會戰敗嘅戰爭，但唔知點解，佢竟然獲勝了。」

其後畫面閃過一隻巨型木馬擱淺在海灘上，然後再切換到Tom Holland同Jon Bernthal疑似喺一個宴會廳入面對話。Jon Bernthal表示：「自從特洛伊戰爭後，我再冇收到有關Odysseus嘅消息。」Tom Holland回答：「我必須要搵出我父親、了解佢發生咗咩事。你最後一次見佢係幾時？」Bernthal帶點氣憤地表示：「你想聽八卦同傳聞？」然後詢問眾人：「你哋有邊個聽過Odysseus嘅傳聞？你！你有故事嗎？有人話佢好有錢、亦有人話佢一洗如貧。有人話佢已經死咗，有人話佢被囚禁。你點睇？」對話期間，畫面分別閃過一班希臘士兵在村莊中遊蕩、一個巨型洞穴口、兩個神秘人在晚上散步，旁邊有一面飄揚旗幟等多個鏡頭，最後以Odysseus瞓喺船隻殘骸，在海中漂浮嘅畫面作結。

瑞士畫家阿諾德·勃克林名作《Odysseus and Polyphemus》

《The Odyssey》將改編自希臘作家荷馬（Homer）同名史詩作品，講述伊塔卡國王Odysseus打完10年特洛伊戰爭後，又再用咗10年時間、經過重重困難先回到家鄉，途中激戰獨眼巨人Polyphemus（波利菲莫斯）、被仙女Calypso（卡聶蘇）囚禁、智破女巫Circe（色琦）魔咒。別一邊廂，由於大家都以及Odysseus早已戰死沙場，所以佢妻子Penelope(潘妮洛普)喺家鄉被眾多求婚者死纏爛打，而兒子Telemachus（鐵拉馬庫斯）就喺雅典娜嘅幫助下出外尋父。電影將於2026年7月17日正式上映。