02日韓世界盃，主辦國之一嘅南韓歷史性打入賽事四強，最終於四強敗於德國腳下，季冠戰亦不敵土耳其，不過呢個已經係球隊隊史世界盃最佳成績。不過，呢個結果對於唔少人黎睇，都係世界盃最黑暗嘅一屆，因為球證明顯有偏幫南韓隊嘅判決。

喺02呢一屆世界盃淘汰賽中，南韓16強嘅對手係意大利隊，而牌面上意大利明顯比南韓強得多，但最終因為球證嘅吹罰一面倒傾向對南韓隊有利，所以最終意大利敵不過球證嘅偏幫，止步16強。

02世界盃黎到今日已經時隔17年，作為當時其中意大利隊嘅代表，前鋒韋利至今仍然對韓國隊抱有極大恨意，並認為韓國隊應該要對此感到羞恥。

韋利接受媒體訪問時表示：「如果你有睇比賽，你就會明白我當時嘅處境。南韓隊對我及我嘅隊友多次犯規，但球證卻視面不見(呢個情況唔知點解好熟口面...)，呢個情況係完全難以接受的，勝出的應該係我地。而最終個位球證仲比發現私藏海洛英，可想而知該名球證係有幾大問題。」

「唔單止我地，後來嘅西班牙結果亦都一樣。有時候你知道主場作客會有不同，球證可能會偏幫主隊，但呢個係世界盃，這是不能接受的。」

「如果我係南韓球員，我會感到羞恥，呢種事情係唔應該發生的，更何況係世界盃，但我地能對此卻無能為力...」

Italy's Angelo Di Livio and Christian Vieri protest at referee Byron Moreno.

2002 World Cup vs S. Korea pic.twitter.com/QADNDWZ0oC

— C11 Football Shirts (@Classic11Shirts) February 4, 2015

講真足球場上有偏幫絕對係見怪不怪，但做到咁出面又真係難免招人口舌，真係做到球證、旁證、足總全部都係你嘅人，點同你鬥呀...不如你直接頒個杯比你自己啦。