原來木村拓哉今年只是46歲，我細細個就睇佢做戲，不過作為一個男人一直都唔太妥佢，直到佢生左個2個可愛的女兒，近年木村光希的可愛讓我覺得木村的人生做得最好就是生女，當然我膚淺唔代表個個都像我般。作為「日劇天王」木村拓哉今年又接左兩部電視劇分別係《Grand Maison 東京》以及《教場》，最近《Grand Maison 東京》就釋出宣傳片同劇照，巴黎法式背景加上純白西廚(注意係西廚先型！)服飾，十年如一日的俊氣，全身散發型男中佬雄厚的男性賀爾蒙，我當然唔過電，但你咁型，你個女的入門門檻愈來愈高，演藝事業更上一層樓，好令人妒忌又歎息。

木村拓哉出道已經28年，近年又回到高峰如今依舊人氣高企，最新電視劇作《Grand Maison 東京》近期釋出最新劇照，故事以巴黎為故事背景劇情描述由木村拓哉所飾演的名廚尾花夏樹，係巴黎開設米芝蓮二星級法國餐廳，可惜因為一次意外，尾花失去了餐廳及重要夥伴，人生陷入谷底。尾花係遇見另一位女大廚早見倫子（鈴木京香飾）之後，終於重新激發起對女人同料理的熱情，兩人之後一齊努力，以成立頂級米芝蓮三星級(注意：之前二星！)法國餐廳為目標進發

View this post on Instagram

#TakuyaKimura, #KyokaSuzuki and #SawamuraIchi starts shooting in Paris for a new drama "Grand Maison Tokyo" at Michelin 3-starred restaurant L'Ambroisie. Broadcast starting in October, Sundays at 9 pm. #木村拓哉 #鈴木京香 #沢村一樹 #グランメゾン東京 #日曜劇場 #ドラマ

A post shared by dew (@sonyaruri05) on Aug 30, 2019 at 3:57am PDT

你望下，係咪覺得木村好很型呢？我知你都係叫我『注』意返佢個女嘛！但我而家講緊佢老豆套新劇，《Grand Maison 東京》預計今年10月開始播出，除了木村拓哉及鈴木京香，出演陣容仲包括曾出演日劇《半澤直樹》的及川光博、《最強名醫》的澤村一樹和日本偶像團體Kis-My-Ft2成員玉森裕太。

其實木村都曾經陷入過低潮，2016年木村拓哉係SMAP解散後一度傳出事業危機，然而的確如今次劇中劇情，身邊女人妻子工藤靜香全力支持之下，木村拓哉咸魚翻生受到所屬的傑尼斯事務所重用，演藝事業可說是更上層樓，所以我地有理由相信木村拓哉出演《Grand Maison 東京》就好似重演自己的故事咁瀟灑。