辛苦完一日放工飲支冰凍啤酒，相信係唔少朋友每日最放鬆嘅時候。不過以正常嘅認知，啤酒並唔算一種健康飲品，如果每日飲用好大機會就會獲得俗稱「啤酒肚」嘅大肚腩，所以唔好話平常人，運動員正常都唔會日日飲用。

不過，日前就有一位NBA球員公開左佢竟然用啤酒作為佢每日嘅飲品，並稱每日飲用可以令佢更加健康，而佢就係活塞中鋒Andre Drummond。

消息指，Drummond較早前已經停止食用紅肉，平日只會食用魚及蔬菜作為其每日食用餐單。由於只係食以上嘅食物卡路里係非常低的，所以Drummond相信每日飲用啤酒可以有助保持其日常所需嘅卡路里水平。

Drummond表示：「只要你以正確嘅方式進行，飲啤酒並唔係壞事，所以我先會咁做。」

而佢個人鍾意飲邊款？Dummond就表示佢較鍾意飲Lite或Corona呢兩款啤酒。

可能大家對Drummond飲啤飲嘅行為並唔同意，但係一切都可以喺佢嘅場上表現完全了解。如果係真嘅，相信大家都可以大大聲聲同老婆或者女朋友講，我成日飲啤酒都係想健康啲咋！

Andre Drummond's hitting step-back 3's now.  (via timelesskobe, mattmarshall11/Instagram) pic.twitter.com/9w4Ph8xOqR

— House of Highlights (@HoHighlights) July 26, 2019