{ SKIP }
文:MenClub 波特先生  圖:互聯網
POSTED ON 09 Aug 2019

作為現今最受歡迎嘅籃球電子遊戲,《NBA2K》系列唔單止深受一眾玩家歡迎,甚至一班NBA球星亦都非常在意,特別係佢地自己嘅個人數值。

睇番今年最新一集《NBA2K20》中,數值最高嘅球員有兩位,佢地分別係97分岩岩帶領速龍奪得冠軍嘅快艇新王Kawhi Leonard及「大帝」LeBron James,對落96分嘅就有「字母哥」、Stephen Curry及Kevin Durant,而另外90分或以上嘅球員亦都唔少,更何況80分或以上的。

基本上,每一支球隊入面都必定有80分或以上嘅球員,就算好似紐約人一支被一致看淡嘅球隊,今年亦都有新加盟嘅Julius Randle數值達到85,而重建嘅灰熊雖然整體戰力不算太強,但亦都有Jaren Jackson Jr.及Jonas Valanciunas數值達到82,而全NBA唯一一支無一位球員嘅數值達到80或以上嘅則只有一隊,佢地就係「籃球之神」Michael Jordan嘅球隊 - 黃蜂。

黃蜂隊今年夏天有核心球員Kemba Walker離隊他投,而佢嘅數值為88,喺佢離隊後如今嘅黃蜂目前數值最高嘅球員係Cody Zeller,但佢就只有78分而已...緊隨其後嘅就係77分嘅MKG同Nicola Batum。

所以,可以話黃蜂隊絕對係黎緊NBA2K20實力最弱嘅球隊亦都不為過,但係如果可以計埋老闆嘅話可能就唔同玩法,因為而家Jordan嘅落場分分鐘仲勁過佢呢班球員。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025