{ SKIP }
文:MenClub 波特先生  圖:互聯網
POSTED ON 12 Jun 2019

由皇馬轉投祖雲達斯後嘅首個球季,C朗拿度嘅表現依然係驚人的,唔單止球會賽事,國際賽C朗亦都係一支獨秀,因此呢位五屆金球獎得主再奪獎嘅呼聲非常大!

喺岩岩完結嘅首屆歐洲國家聯賽,C朗成功帶領葡萄牙奪得冠軍,而今季喺祖雲達斯佢則奪得意甲冠軍及意大利超級盃冠軍,三個冠軍令C朗成為本年度金球獎嘅大熱門之一。

對於今年嘅表現,C朗表示:「我贏到三項錦標,我一如以往表現出色。喺我嘅職業生涯中,我沒有表現差嘅時候,而我今年亦都一樣。」

「喺過去16年數據說明一切,我仲可以做咩呢?我值唔值得奪金球獎?我唔知道,我將呢個決定交比你地,你地可以評價我嘅表現,我不會評價自己的。」

C朗雖然已經34歲,但目前其表現仍然極高效,水平亦絕對係世界最頂級的,特別係佢永不放棄嘅精神多次助球隊反勝,呢一點令球迷相當欣賞。

當然,美斯係C朗喺金球獎上嘅最大競爭對手,呢位巴塞球星今季上陣50場攻入51球及交出22次助攻,個人表現可以話無容置疑,但卻只有西甲一個冠軍獎盃到手。

另外,帶領利物浦奪得歐聯冠軍嘅荷蘭中堅雲迪積克亦都係今屆金球獎嘅熱門之一,但佢無論喺英超及歐國聯都只能夠屈居亞軍,再加上佢作為中堅嘅身份,令佢未必有力與C朗及美斯競爭。

大家又覺得呢個風格嘅三位英雄點樣呢?
hobby
美式X和式 《青之祓魔師》風格的《我的英雄學院》
17 Jun 2019
尼馬今次慘啦...
hobby
【碌落山...】尼馬形象再插水,廣告商有意棄船
17 Jun 2019