重新登上世界第一寶座嘅「火箭」奧蘇利雲，毫無疑問將會係黎緊4月20日舉行嘅桌球世錦賽奪標嘅大熱門之一。不過，「火箭」卻表示有一個情況下佢情願自己早早就喺首圈出局...

現年43歲嘅「火箭」過去已經奪得5次世錦賽冠軍，但卻係自從2015年後就再無殺入過賽事嘅決賽，要想再破「桌球皇帝」亨特利7屆世錦賽冠軍嘅紀錄，「火箭」就必須急起直追。

今季嘅奧蘇利雲狀態繼續保持火熱，此前已經奪得三項排名賽冠軍，其中包括雙殺狀態出色嘅羅拔臣，可說明其奪冠嘅含金量十足，所以相信只要「火箭」想佢就會係今屆世錦賽嘅頂頭大熱。

雖然被認為係賽事嘅大熱，但係「火箭」卻表示呢項賽事並唔係自己最鍾意嘅賽事，因為其壓力實在太大。「火箭」表示:「作為球迷我非常熱愛呢項賽事，但係如果作為參賽球員，你一係就要贏得冠軍，一係就早早首圈就出局，否則你將要承受巨大嘅壓力。去年次圈出局嘅我，好高興可以有更多機會以球迷嘅身份去觀看比賽。」

目前奧蘇利雲嘅排名賽36個冠軍已經成功追平亨特利，如果最終佢真係可以喺世錦賽奪冠，咁佢就會正選超越呢個過去一直看似難以打破嘅紀錄。