NBA全明星週末，無論係入樽賽，還是全明星正賽，相信都令唔少球迷失望，其中正賽期間各位球星都繼續沉醉於三分球，令球迷好似睇緊另一場三分大賽。反而，新秀挑戰賽可能更令球迷睇得投入，因為一班極具潛力嘅新秀顯展所場，最終湖人嘅Kyle Kuzma力壓群雄奪得賽事MVP。

成功奪得新秀挑戰賽MVP嘅Kuzma，當然令湖人球迷相當高興，而佢亦奠定自己未來可能成為巨星嘅路。

作為2017年NBA選秀大會上嘅首輪第27順位，Kuzma可以話係交出令人意想不到嘅潛力及實力，作為一名二年生目前場均取得19.1分，係湖人陣中得分第二高嘅球員，未來成為全明星球員絕對係指日可待。

而就喺佢拎到新秀挑戰賽MVP接受訪問期間，佢表示:「我希望人們會談論我，無論是好是壞，因為如果唔係即係代表我有問題。而我亦情願留在洛杉磯被人話，亦都唔想在奧蘭多無被談論。」

較早前盛傳Kuzma可能會被球隊用黎作交易Anthony Davis嘅籌碼，咁佢想繼續留喺湖人當然會講前半段嘅說話。不過，後面突然提到魔術就令人唔太明，究竟雙方有咩牙齒印呢？

原來，當年選秀嘅時候，手握25號簽嘅魔術曾答應Kuzma選佢，但最終佢地並無兌現承諾，反而選上拉脫維亞球員Anžejs Pasečņiks，其後手握27順位嘅Magic Johnson就慧眼識英雄揀上Kuzma。相信就係咁，Kuzma對於Magic出爾反爾非常不滿，所以如今自己打出身價就想給魔術黎一個打臉。

再魔術當日所揀嘅Anžejs Pasečņiks，如今仍然留喺西班牙聯賽，而基本上Kuzma已經喺2017年呢一屆新秀當中表現最好嘅前五球員了。