{ SKIP }
文:米  圖:互聯網
POSTED ON 09 Jan 2019

之前MenClub都同大家介紹過,日本打算於2022年改建日本愛知縣嘅「愛・地球博記念公園」,變成「吉卜力公園」,仲公開咗「吉卜力公園」嘅內容係點。而最近愛知縣又公佈咗最新計畫報告書,除咗各區嘅規劃有更詳盡嘅介紹之外,各區嘅開幕時程都定好咗,相信最快2022年就可以見到半個「吉卜力公園」。

園區規劃大致上同之前公佈嘅一樣,都係分為五大區,分別係「青春の丘エリア」、「ジブリの大倉庫エリア」、「もののけの里エリア」、「魔女の谷エリア」同埋「どんどこ森エリア」,只有區域形狀稍作改變

1.「青春の丘エリア」
原本嘅管理大樓將會變成「青春の丘エリア」,以19世紀末科學要素為主題。

2.「ジブリの大倉庫エリア」
原本嘅溫水泳池會變成「吉卜力大倉庫」,會展示各種吉卜力畫作、影片,另外仲有小賣店同飲食店。

3.「もののけの里エリア」
「もののけの里エリア」會設計成《幽靈公主》嘅風格,以大自然為主題。

4.「魔女の谷エリア」
「魔女の谷エリア」以「魔女宅急便」同埋「哈爾移動城堡」為主題,變成全北歐風格。

5.「どんどこ森エリア」
「どんどこ森エリア」會變成龍貓之家,附近嘅森林都會變成散步小道!

而根據官方嘅時程表,「青春の丘エリア」、「ジブリの大倉庫エリア」同埋「どんどこ森エリア」將會喺2022年提前開幕,至於另外兩個區域,就大約一年之後再開。

不過最令粉絲失望嘅係,吉卜力有大半作品都冇納入公園入面,而當中以《千與千尋》嘅呼聲最高。另外唔少人都覺得,「吉卜力公園」規模太細,同想像中有出入,令人感到可惜,唔知香港嘅巴打又點諗呢?

Cambridge Audio推出配備藍牙aptX HD的黑膠唱盤Alva TT 黑膠復興唱片銷量上昇,藍芽無線耳機成為2018年最重要的影音產品,於是有人可能唸「不如將兩樣野溝埋做無線耳機黑膠啦!」呢個唸法並不「笨!」的,因為 ...
hobby
[CES 2019] Cambridge Audio推出配備藍牙aptX HD的黑膠唱盤Alva TT
18 Jan 2019
預計日本會於5月17日上映《信用欺詐師JP》電影版,唔知香港又幾時先上映呢?
hobby
呃到嚟香港!《信用欺詐師JP》電影版預告公開
18 Jan 2019