{ SKIP }
文:MenClub 波特先生  圖:互聯網
POSTED ON 02 Jan 2019

回看上季嘅利物浦,佢地以75分完成聯賽,排名第4位,落後最終奪得冠軍嘅曼城多達15分。可能你會覺得,今季嘅利物浦喺高普手下會變得更成熟,排名有機會更高,但都唔係咁容易估得到,佢地如今竟然可以佔據聯賽榜首,並且喺打少一場下領先第2位嘅熱刺6分及領先同樣場數嘅曼城7分!

能夠有咁出色嘅表現,當然要歸功於今季表現繼續火熱嘅沙拿,呢位埃及射手目前已經喺聯賽攻入11球,排名射手榜榜首。不過,真正令利物浦今季更上一層樓嘅,就絕對就係領隊高普。

高普究竟有咩咁勁,可以令利物浦目前以6-7分嘅優勢佔據住世界最激烈嘅英超聯賽榜首?答案就係「積極求變」!

如果你知道上季沙拿以右翼姿態,為利記全季攻入44球,帶領球隊殺入歐聯決賽,你覺得會有人敢動佢嘅位置?我諗除左高普之外,都真係無教練會願意冒改變嘅風險,因為呢個絕對係一個瘋狂嘅決定。

唔好話決定改變沙拿嘅位置,我諗真係無乜幾多個教練會去諗呢件事。最終,高普今季將沙拿變成利記嘅箭頭,而原來嘅箭頭法明奴則被拉後,成為一位進攻中場。對於呢個改變,有唔少人可能會認為浪費左法明奴喺對方禁區嘅竄擾能力,但實際卻令球隊變得更加堅實,其進攻天賦擁有更多發揮機會,特別係助攻能力,而沙拿則繼續保持高效。

有戰績支持,手下球員表現又出色,理論上真係好難去改變現況,但係高普就係勇於求變,佢唔甘願只係拎聯賽第四,佢需要球員發揮自己嘅能力達到極致,所以改變係唯一出路,改變令球員突破自己嘅Comfort Zone,令佢地變得更加全面,實力自然更加強大!

講真講就容易,但係好似高普咁將上季令唔少球隊聞風喪膽嘅攻擊鐵三角改頭換面,真係高普先做得到!

由Dwayne Johnson及Chris Evans聯手主演嘅動作喜劇《Red One》原定去年聖誕節檔期上映,目前已推遲至今年11月上映。雖然外界認為係去年荷里活罷工潮所致,但最近有消息指,實際原因其實係Dwayne Johnson經常遲到並且 ...
hobby
【傳聞】Dwayne Johnson被爆經常遲到 導致新片成本激增5000萬美元
02 May 2024
停更將近一年半後,最近冨樫終於拎返起支筆,並已經畫到第405話,似乎好快就會連載再開! 《HUNTERHUNTER》自2022年10月恢復連載,並推出短短10話後(391-400話),官方就宣布由於冨樫老師健康問題,往 ...
hobby
【動漫】《Hunter》即將連載再開?冨樫義博:正在繪畫第405話
02 May 2024