日前喺深圳南山舉行嘅半馬賽事，可以話咩違規行為都出現晒。據官方統計顯示，今次賽事一共有258人違規，其中18人偽造號碼布、3人非參賽選手本人、236人其他違規行為(e.g.抄捷徑)、1人踩單車參賽。

你無睇錯，最後1位參加半馬嘅選手違規嘅事項係踩單車參賽！呢位女選手竟然踩住共享單車喺賽道上悠然自得，完全唔覺得自己有咩問題。

據消息指，呢位身上扣住E55591號號碼布嘅女選手，身上著住嘅係其公司半馬隊服，而左邊則係其公司同事嘅參賽團隊，明顯呢位女選手根本就唔係黎比賽，佢更加似係一名踩住單車嘅領路員。

雖然香港唔少長跑比賽參賽者都會扮鬼扮馬，但係佢地都真係用雙腿去跑，而好似呢位女選手咁踩單車唔單只唔尊重比賽，更會對其他參賽者做成危險，始於單車速度上較快，會容易做成嚴重嘅意外。

不過最離譜嘅係，大會竟然唔制止呢位選手，隨得佢喺賽道上踩車，實在係愧對一班參加者嘅信任。