香港電台電視劇《火速救兵IV》成功拍出口碑叫好叫座？

近日煲劇界最火紅的係邊一套劇集？唔係netflix唔係美劇，而係我地最夠guts本地電視台---即香港電台拍攝的本地電視劇《火速救兵IV》，這套香港電台電視部與香港消防處聯手製作的《火速救兵IV》一播出來就震撼好多睇慣荷里大製作的香港劇迷。拍攝認真絕對唔輸比外國劇集，一傳十就十傳百，單靠口碑就令好多香港人上網睇返，確實是幾正的，最有公信力電視台拍攝最有民心的公務員團隊，出來的效果又真係劇力萬鈞。全套10集每集半小時，幾值得追看！

消防員的故事總是引人入性，消防員用冒生命危險拯救生命，歷代本地電視台的消防員電視劇都會大收，過去有一代代記憶尤新的烈火雄心系列。同早前拍過的三套火速救兵都大受歡迎，今次這套第一集播出後大家已睇到嘩嘩聲，當然有3分半鐘的一鏡到底精彩拍攝同演員專業配合。仲有連環火場的驚險場面歐錦棠加上何華超的演技，成套雖然只是短短半小時，但已經足夠讓你覺得好睇，起碼睇到制作好有Heart，認認真真其實本地的團隊都可以交到好貨。唔駛話要同邊個邊個比較先，香港人只求有水準有交心出來。大台唔做，其實咪其他台做囉。世界無話無左邊個唔得！

今次要追的《火速救兵 IV》一共分四個單元，《火伴》、《生命時刻》、《守破離》及《兄弟》，每個單元分別2到4集，演出嘅主要演員全部都係演技實力派分別係唔同單元擔綱，包括歐錦棠,王喜、陳鍵鋒,陳國邦、張雷、鄭啟泰,林文龍、王宗堯等等。

播出時間是逢星期六晚上9時30分(港台電視31)首播；然後星期二晚上6時正(無綫電視翡翠台)重播，當然網民們會網上隨時返睇！

剛剛播完第一集，今個星期六晚除左睇英超，都可以擔定櫈仔睇火伴下集。做起左就相信應該唔少人會追睇....

睇下點樣拍呢個三分鐘一鏡到底↓↓

仲有第二集預告