{ SKIP }
文:MenClub 摯樂  圖:互聯網
POSTED ON 11 Oct 2018
【影音介紹】法國Devialet Phantom Reactor 超細波波喇叭

新世代音響同過去舊派的傳統音響無論外表性能模式都好唔同,如果要數出新一代最前衛又成功的品牌,相信當中必定有法國音響品牌Devialet的名字,佢地出產的一體化多功能擴音機非常成功,係現代數碼達人其中首選的神級擴音機,此外佢地的波波喇叭Devialet Phantom都超級令人眼前一亮,呢個品牌好有高端時尚感,除了設計前衛有型,市場推廣都做得好好,在全球好多大城市包括香港,你都會見到Devialet的直營店鋪,感覺好時尚同氣派就好像高級法國時裝咁樣銷售,。話說品牌日前推出全新最細的細佬級波波喇叭Devialet Phantom REACTOR,幾適合香港細細地的家居。

Phantom REACTOR一如同廠大佬Phantom波波喇叭,外觀係縮細版本,實際都只是縮小了4倍的BB波波喇叭,唔好睇少佢細細隻,其實最細都有600W輸出,另一款就大少少有900W輸出但及最高音量可達98分貝聲壓級,呢D係真正hifi喇叭比到的聲音規模。所以佢唔係玩具唔係普通藍芽喇叭,係真正hifi影音喇叭仲要是中高端的級數。

Devialet 廠係科技上超班。講究,有好多項獨家聲學技術,包含AHD類比數位混合放大技術(Analog Digital Hybrid amplification)、SAM揚聲器有源匹配技術、ACE高效球體引擎(Active Cospherical Engine)和HBI心跳低頻震動技術(Heart Bass Implosion),剩講名我相信大家都唔會太明白,但總結就係所有功能都內置哂落一隻或一對波入面,只要插電,連線或連接藍芽就可以發出強大心跳般低頻同靚聲,所有技術名證就代表方便易用簡單靚聲。而今次呢兩款超小型新波波REACTOR全部的科技同功能都用哂,只是細小左同出功率無咁大姐。其實我覺得呢個牌子的功能係無咩好介紹,因為你用電話就可以完整地操控哂所有功能,講你都唔明咁好用,反正佢地店鋪多人多,自己親耳去試會更震撼和易明。細細隻Phantom REACTOR話貴又唔貴,約9千銀港幣一隻,我覺得新屋買一對來作新派影音中心,都可以接受

其實佢推出最細去到最大波波價錢同技術上都唔係話差好多好遠,所以佢不是話想要推出高低級你選擇,只是睇你家居需要食得起幾多低頻量感而定。(千萬不要睇少波波咁細的喇叭,他不能用傳統音響思維去衡量!)

呢個牌子同呢個波波你行開商場都應可以見到,想試聽一D都唔難,甚至乎你得佢真係一d都唔似音響。起碼同高音甜中音準低音勁無間道個d傳統音響好同。無錯,這就是21世紀

2002年世盃意大利vs南韓,絕對是足球界最黑暗的一天!
hobby
【回憶2002世盃】馬甸尼:「從未試過如此憤怒!」
19 Oct 2018
【災難新片】挪威驚逃駭浪續集作品《八級大地震:命懸一劫》刀仔繼續鋸大樹 2016年有套挪威災難電影《驚逃駭浪》上映過,獲得一致的好評,仲罕有地以災難片的身份角逐奧斯卡最佳外語片,可見呢套野的制作班底強 ...
hobby
【災難新片】挪威驚逃駭浪續集作品《八級大地震:命懸一劫》刀仔繼續鋸大樹 ... ... . ...
19 Oct 2018