{ SKIP }
文:MenClub 波特先生  圖:互聯網
POSTED ON 13 Feb 2018

騎士近日喺交易截止日前完成多宗交易,其中佢地將Isaiah Thomas、Derrick Rose、Dwyane Wade等球員送走,令本來上半季一直沿用嘅陣容面目全非。而當中要數最令球迷可惜嘅係可能係Rose,因為佢去年夏天決定離開紐約人以老將底薪加盟騎士,為嘅就係希望同LeBron James聯手挑戰總冠軍,但如今證明左佢當日嘅決定可能係錯。

Rose喺交易中被送至爵士隊,而爵士隊其後好快就決定將Rose裁掉,要知道呢位被佢地裁掉嘅可是昔日曾經壓倒LeBron James嘅常規賽MVP,係NBA歷史上最年輕嘅MVP。不過由於嚴重嘅膝傷,如今嘅Rose已經今非昔比,而更多嘅係球隊擔心佢嘅受傷情況而選擇唔為佢冒險。
如今現年29歲嘅Rose已經被爵士裁掉,黎到今日佢都正式成為自由球員,任何球隊都可以同佢接觸並簽下佢。不過有消息指,雖然有球隊曾經接觸Rose,但係至今仍然無任何實質嘅簽約,甚至有球隊已經傾向放棄簽下Rose而改變目標。
作為2011年嘅常規賽MVP,Rose曾經以無與倫比嘅爆發力、速度及變向令整個NBA聞風喪膽,但係一場受傷就將佢由聯盟頂端拉落黎,呢個就係現實,亦都係無得改變嘅事實,正所謂「馬死落地行」,Rose如今就只係想繼續踏踏實實咁繼續喺NBA征戰。
今季,Rose為騎士上陣左16場比賽,場均上陣時間只有19.3分鐘,可以取得9.8分1.8籃板1.6助攻,各項數據都達到生涯新低。不過,其實上季效力紐約人期間,Rose場均係可以取得18分4.4助攻的,因此只要有球隊願意比佢足夠嘅上陣時間,佢都係有能力交出令人滿意嘅成續的。
【影音入門】如何選擇合適的耳機 (下) 一定要留意舒適度 耳機一定要考慮配戴的舒適度,當你試用一副耳機時,不單止要考慮佢的聲音,仲要考慮配戴的舒適度。因為如果你唔適應,聽半個小時後,你雙耳聽到熱哂,就 ...
hobby
【影音入門】如何選擇合適的耳機 (下)
17 Oct 2018
《一騎當千》嚟緊會出完全新作動畫《一騎當千Western Wolves》!
hobby
《一騎當千》新作動畫製作決定——《一騎當千Western Wolves》
17 Oct 2018