今次Yuria繼續以大腿為主題，不過今次就加上「溫泉」嘅元素，就咁諗都諗到會出現「濕咗嘅大腿」、「毛巾之下嘅大腿」呢啲畫面，真真正正未入場先「興奮」。而且今次會展出超過500張新作，入場費只係需要500Yen(約35HKD)，即係1Yen就睇到一張相，幾抵呀！

同場仲有參照上年5月搞過嘅「360度大腿空間」嘅展區，再加上今次主題「溫泉」嘅新相。因為展期橫跨聖誕同新年，所有除咗會有棵用200張作品砌出黎嘅「大腿聖誕樹」，新年時亦會有數量有限嘅「大腿福袋」。

展期為2016年12月16日~2017年1月22日(12月31日~1月4日、1月10日、以及逢星期一休息)嘅朝早11點到夜晚七點。地點係位於東京都台東区浅草橋 5-27-6 5F 嘅「TODAYS GALLERY STUDIO」。以往年嘅經驗，仲好歡迎大家影相放上網！所以想去嘅就唔好錯過啦！