喺日本偶像界，推出個人寫真集可謂一個非常明顯嘅人氣風向標。事關寫真集又要影又要印，所費不非，如果唔係好有信心有Fans會埋單其實風險好高。換個角度睇就即係女星本身要有返咁上下睇頭先有資格出寫真集。而今晚要介紹呢位「河田陽菜」就唔單止出過個人寫真集，聽日（11日）更會推出第二本！咁你話佢幾有睇頭啦？

現年24歲嘅「河田陽菜」早於2017年，即係佢16歲就已經參加日本女團「けやき坂46」嘅徵選並合格而出道。2019年團體改名為依家用嘅「日向坂46」，而佢本人亦首次成為主打歌封面人物，可見其人氣之盛。2022年佢首次推出單人寫真集《思い出の順番》，一次過走訪日本五個縣市拍攝，最終成品更加有256頁，係一般寫真集嘅2.5倍之多，打破「坂道」女團嘅紀錄。人又靚寫真集又多嘢睇，結果就令佢嘅寫真集於發售一個禮拜就賣出7.6萬本，成為銷售冠軍。

新寫真宣傳圖

既然咁好賣，咁添食都好合理呀？時隔三年有多，「河田陽菜」就會於聽日推出第二本單人寫真集《テイクオフ》，宣傳資料話入面會展現以前大家想像唔到嘅大人面貌，公開嘅宣傳圖亦可以話係非常養眼，相信唔少人都非常期待。唔知今次又會唔會打破啲咩紀錄呢？

IG：hina17_kawata