日本寫真女星多如恆河沙數，多一個新人可能都有人報導，但少咗一個有時就真係無聲無息。好似我近日打算為大家溫故知新，介紹下過去曾次介紹嘅「小日向ゆか」時，先發現原來佢自去年4月就已經無任何新作、社交媒體亦無更新，基本上就係變咗做失蹤人口。連Fans們都好擔心呀！

現年27歲嘅「小日向ゆか」出生於日本群馬縣，細個時曾幻想過光鮮亮麗嘅生活，所以打算做模特兒出道，仲曾經參加過少女時尚雜誌《Seventeen》嘅徵選仲入埋圍，可惜因為媽媽反對最後不了了之，結果到20歲時都仲只喺超級市場返兼職。好在當時搬咗去東京生活嘅姐姐鼓勵佢離開屋企，於是佢上京與姐姐同居，同時開始經營社交媒體，結果好快就引來寫真界注意，並於2021年於《FLASH》上寫真出道。

當時嘅佢因為個樣同「有村架純」有幾分相似，但就有住F Cup豐滿身材，所以就以「F Cup有村架純」之名快速走紅。唔單止社交媒體Fans於短短數月內暴增20萬，仲不停收到節目邀約，人氣直線上升。往年數年佢不停推出雜誌寫真、就連實體寫真集都成為銷量冠軍，而且又拍電視劇、2024年又做埋柏青哥廠商三洋物產嘅代言人「マリンちゃん」，一切睇落都係非常順利。

不過進入2025年之後，佢就開始從眾人眼前消失。先係2月時三洋物產突然宣佈佢從「マリンちゃん」中畢業，而當日公開嘅所謂「多謝訊息」其實都只係舊片重新剪接；佢嘅社交媒體到3月尾都仲有頻繁更新，甚至仲宣傳緊當時推出嘅電子寫真，不過到4月10日上傳一張貓貓相之後，佢就再無任何發文，亦無任何新作品推出，整個人從此就消聲匿跡。

由於「小日向ゆか」突然消失，所以Fans們都非常好奇、擔心「小日向ゆか」嘅平安。有Fans甚至去到佢最後一個Post留言詢問，但都係無任何答案。雖然經理人公司無任何公告，應該都唔會係咩嚴重問題（當然亦可能係連經理人公司都唔知佢去咗邊），但都希望「小日向ゆか」快啲返出黎同大家見面啦！

IG：mogmog_yukappy