日本雜誌會為女星冠軍啲奇怪花名並唔出奇，而一般黎講絕大部份花名都係根據女星嘅特徵而起，吸睛之餘亦增強讀者嘅記憶點。不過今晚要介紹呢位「桜木心菜」，就有一個我睇唔明嘅花名「露出肚子的美人魚」（ヘソ出しマーメイド），有無人可以幫手解釋下呢個花名點解？

上月中啱啱滿20歲嘅「桜木心菜」，早於十三歲時就以九人男女唱跳組合「DAN⇄JYO」出道。2020年團體活動結束後，佢於2021年參加女團「私立恵比寿中学」嘅徵選，並於同年五月成為正式成員。隨後幾年佢憑出色嘅唱跳技巧於團體內站穩陣腳，2023年於《週刊Young Jump》獻出寫真處女作、好身材曝光之後人氣更加節節上升。舊年一月推出首本個人實體寫真集《edén〜ここなの時間〜》後大受好評，最近更宣佈黎緊12月會添食再推第二本，可見幾多人等緊睇佢啲性感靚相。

至於佢個外號「露出肚子的美人魚」（ヘソ出しマーメイド）啦喎，我目前搵到嘅資料顯示源自佢於團體表演時嘅自我介紹，但就搵唔到佢同「露肚」或者「美人魚」之間究竟有咩關係——實情美人魚都唔係個肚出名呀？係胸前兩塊貝殼呀嘛？睇黎唯有等對佢更加熟悉嘅Fans黎解話啦。

IG：cocona_sakuragi_official