唔少人追星嘅最終目標，就係追到可以同偶像有私下交情。不過對於偶像本人而言，一旦打破「偶像」與「Fans」之間嘅界線，好多時都意味住演藝事業嚴重受挫。好似今晚要同大家介紹嘅呢位「石井優希」咁，就曾經因為與Fans私交被發現而一度被退團！

現年20歲嘅「石井優希」，早於11歲時就加入日本女團「原宿駅前パーティーズ」嘅研究生「原宿駅前パーティーズNEXT」而進入演藝界，2021年時再以另一女團「mai mai」成員身份正式出道，可惜團體只係活動咗一年左右就正式解散。好在2022年時佢又參加集英社主辦嘅制服選美比賽「制コレ22」，仲拎埋「ヤンジャンTV賞」，並於同年年尾推出嘅《週列Young Jump》上獻出首次個人雜誌寫真，正式以寫真女星活動。

過往參加過「制コレ」嘅女星，唔少都能夠於寫真界站穩陣腳，而「石井優希」亦唔例外。2022尾年寫真出道後佢嘅人氣節節上升，到2023年4月時仲加入埋另一女團「Flutter ♭」，事業似乎有所起色。不過去到同年9月，佢就因為被發現Fans私交，犯下偶像天條而被團體開除。正當大家以為佢嘅星路再次受阻之時，佢嘅寫真活動卻一反常理地無受影響，甚至越黎越紅。去到舊年換埋經理人公司後，更先後推出個人寫真集以及寫真DVD，已經成為寫真界著目女星之一。

雖然我唔知點解佢明明犯咗天條，演藝事業都冇受影響。但既然佢肯繼續拍寫真畀大家睇，咁大家咪疊埋心水睇囉！

IG：ishii_yuuki_