對於十五、六歲出道都並不少見嘅日本寫真界而言，踏入「二字頭」就已經唔算係「年輕」；如果講到冇其他演藝資歷，但到二字頭嘅先出道女星更加係少之又少。但「少」唔代表當中冇成功例子。好似今晚要介紹嘅呢位「葉月くれあ」咁，出道僅半年就被日本媒體稱為「寫真新女王」，以下就帶大家睇下佢有咩吸引之處！

現年21歲嘅「葉月くれあ」最早係一位TikTok網紅，2020年開設個人帳戶後僅半年，就已經擁有超過30萬Followers，並吸引到藝能公司與其簽約。後來佢做過女性時裝雜誌讀者Model、參加過日本著名嘅青少年慶典「超十代」，但要數佢嘅成名作，就一定係於去年參加《週刊Young Magazine》舉行嘅「Miss Magazine」寫真選美，以由頭帶到尾嘅姿態成為總冠軍，並以此開啟佢嘅寫真生涯。

特別值得一提嘅係，去年獲得「Miss Magazine」總冠軍時，「葉月くれあ」年屆20歲零9個月「高齡」，成為「Miss Magazine」自上世紀80年代設立以來最高齡嘅總冠軍。背後原因固然有「Miss Magazine」歷年都係針對寫真新人，而新人通常都係十零歲就出道有關；但同時側面反映出「葉月くれあ」有幾高質！

事實上「葉月くれあ」身高雖然僅得153cm，但就有住33G-23-32嘅瘦底有肉好身材、白到反哂光嘅嫩滑美肌，加上本身頗有氣質嘅面貌，令佢出道後就成為各方寵兒，更被日本媒體稱為「新寫真女王」。唔知各位又覺得佢受唔受得起呢頂高帽呢？

IG：mooz_x.x