棒球作為日本國民運動，當然吸引到唔少球迷。但正如大部份運動迷都係男人一樣，女棒球迷嘅佔比其實唔多，當中要搵個靚嘅自然就更難，你話如果有個寫真女星級別嘅就更加難可貴——但「難」唔代表冇！好似今晚要介紹呢位寫真新人「花咲楓香」咁，就係一位超忠心嘅棒球迷。

現年22歲嘅「花咲楓香」出身於北海道，高中時期曾經做過學校足球隊嘅經理，但佢最愛嘅運動其實係棒球。唔單自出道後表示自己嘅個人技係「棒球計分」，而且佢仲係北海道球隊「日本火腿鬥士」嘅忠實球迷，表示自己一年入場70次支持愛隊，甚至愛隊去到日本另一端嘅沖繩集訓，佢都會山長水遠飛去觀摩。

「花咲楓香」於去年正式寫真出道，先係參加攝影會累積人氣，並於2月底推出首隻寫真DVD。雖然身材就唔夠我哋早兩日介紹過嘅另一位寫真新星「田野憂」咁誇張，但36H嘅身材亦被日本傳媒形容為「震撼業界」。唔知各位個心仔又有冇被佢震撼到呢？

IG：hanasaki_fuka