日本知名女子舞團「CyberJapan」嘅成員，一向都以健康膚色、高挑身形、豐滿身材為賣點，簡而言之一個字就係「辣」！而近日佢哋迎來最新團員「ENA」雖然都有齊以上賣點，但佢喺入團之前竟然係一個學校保健室老師！我真係唔知佢學校啲男學生可以點專心上堂！

話說CyberJapan Dancers於8月時公佈最新團員「ENA」加入，大阪府出身嘅，除咗擁有團體主打嘅膚色、166cm高挑身材之外，佢仲有日本教師執照「教師職員免許」以及做保健室老師要有嘅「養護教諭一種免許」。事實上佢於自我介紹時亦話入團之前真係做緊保健室老師！而近日搵佢影咗輯寫真嘅日本雜誌《FRIDAY》，就話佢於2021年時，因為幫美容室拍咗條髮型介紹片，獲得超過200萬次觀看而爆紅，所以先獲邀加入CyberJapan。

而睇黎一眾CyberJapan粉絲就對呢位新成員相當滿意，宣佈佢加入嘅帖文獲得5,300個讚好，隨後一張性感寫真更獲得超過18,000個Like，而佢嘅社交媒體追蹤人數亦水漲船高，即將突破20萬人，TikTok都有超過12萬Fans，睇黎佢前途一片光明啦！

IG：cjd_ena