大家有Follow下啲香港IG靚女，都知依家係人都會Post下泳衣照、性感照呃Like，你或者會想像，喺寫真風氣更盛行嘅日本，女藝人喺社交媒體出下性感相係平常嘅事，但對於今晚要介紹嘅呢位「森みはる」就唔係啦！因為大家只可以於寫真集見到佢嘅性感相，而佢黎緊就終於出第二本寫真啦！

森みはる係日本女子偶像團體「26時のマスカレイド (26時的假面舞會)」成員之一，擁有甜美面蛋嘅佢雖然已經26歲，但平時著衫就非常保守，你去佢個IG望下就知佢平時啲衫連膊頭都見唔到。但其實勤力做瑜伽嘅佢擁有一副非常緊緻、毫無贅肉嘅絕妙身材，再加上一對充滿靈性嘅貓眼，一影寫真就綻放性感魅力。

而唯一能夠見到佢啲性感相嘅機會，就係佢準備出個人寫真嘅時候啦！黎緊佢就會繈兩年前推出首本寫真《24》之後，推出第二本個人寫真集，時隔兩年大家先可以睇清佢嘅身材。正所謂物以罕為貴，大家要把握機會呀！

IG：miharu_mori