日本嘅女子偶像團體成員，通常都會為不同雜誌拍攝寫真。好似女團「#ババババンビ」咁，我哋之前就介紹過其成員「水湊みお」及「岸みゆ」嘅性感寫真。不過整體顏值都頗高嘅「#ババババンビ」又點會只有兩名成員進軍寫真界呢？所以為大家介紹第三名成員，「宇咲」！

「宇咲」本名「柊宇咲」，現年19歲，乃係「#ババババンビ」」中最年輕嘅成員。佢喺年僅11歲就於原宿街頭被星探發掘而加入偶像團體，不過接連兩次都因團體解散而需要另尋出路，到上年2月先以新成員身份加入「#ババババンビ」成為隊中嘅「桃色 (粉紅色) 擔當」，今年更開始拍攝水著寫真，展現出充滿年輕活力嘅D Cup身材，令人氣更上一層樓。

雖然有住非常陽光嘅笑容，但「宇咲」曾經於一個訪問中透露，自己擁有「雨女」體質，由小學開始無論係參加學校陸運會、定係同朋友Plan咗兩個月嘅迪士尼之旅，結果都係落雨、打風收場。好在早前佢為《週刊Playboy》拍攝寫真，就遇上一個大晴天，所以大家先有靚相睇咋！

IG：usa_usa0427