唔知係咪因為細個叫阿媽畀我學彈琴但阿媽話太貴唔畀，反正我由細到大都覺得識彈琴嘅人，個氣質係特別高人一等，好似不食人間煙火咁。咁你話如果有個氣質上不食人間煙火，本身都仲要係個靚女嘅女仔，突然行性感走去出寫真DVD，係咪睇字都好想知佢係咩樣？好！咁我就畀埋「鈴木ゆうは」啲圖你睇！

現年24歲嘅鈴木ゆうは，其實由15歲開始就已經參加日本童裝品牌嘅模特兒比賽而獲獎出道，但之後佢就轉向成為一個舞台劇演員，到2018年年滿20歲後先重新回到模特兒界，而且係參加《Young Magazine》舉行嘅「Miss Magazine」水著偶像比賽，並成功進入總決賽。

另一邊廂，佢其實由高中開始就已經就讀東京音樂大學附屬高中，主修鋼琴，其後更加直上「東音大」，證明佢嘅鋼琴實力的確係有返咁上下。鈴木ゆうは於今年6月推出首隻個人水著寫真DVD，展示出平時唔多見人嘅好身材，加上「音樂大學畢業」嘅身份引起話題，大家又睇唔睇好佢嘅發展呢？

IG：suzuki_yuha