每年日本都有唔少玲瓏浮凸嘅偶像、演員、Cosplayer轉戰寫真界，一嚟可以賺返筆，二嚟又可以谷下人氣，以最短時間取得大量曝光率。最近Cosplayer出身嘅「いくみ」 就宣布推出第一本寫真集「In My Room」慶祝生日，唔知大家又覺得佢可唔可以喺競爭激烈嘅寫真界發圍呢！

「いくみ」 喺日本算係頗有名氣嘅Cosplayer，Twitter有近34萬人追蹤，經常喺社交媒體大放福利圖，以大尺度照片收獲唔少粉絲。同一般寫真女星唔同嘅係，佢好明白乜嘢角度同埋Pose可以衝擊男士眼球，繼而特寫某啲部位盡顯誘人曲線，睇到各位粉絲血脈沸騰。

唔知係咪因為Cosplay出身，無論純情女友Feel，定抑或係野性誘人，佢都可以Chok到個樣出嚟畀人睇，佢本寫真喺7月中就正式開賣，唔知銷量會如何呢。

資料來源：twitter@193iKkyu3、instagram@nomita193