正所謂真男人就應該要操下身，切忌Skip曬Leg Day，大腿同臀部可以話係男人嘅炮台，炮台夠堅固先足以應付頻密開炮需求。今日介紹嘅Youtube Channel由涉谷由里所開，內容主要係教人做GYM同埋健身飲食餐單分享。

如果係menclub忠實fans應該對涉谷由里唔會陌生，早喺2015就曾經介紹過。涉谷由里做過賽車女郎又輾轉加入寫真界，2015年退出演藝圈後就去咗中國同台灣留學，努力學習廣東話同普通話。近年愛上健身，除咗拎到私人健身教練資格，仲開埋Youtube Channel，廢話唔多講，即刻放幾條片出嚟畀大家睇下。

雖然涉谷由里做GYM嗰陣有板有眼非常認真，其實私底下係一個非常搞笑嘅女仔，你睇下佢幾童真用樓梯扶手玩瀡滑梯就知，但佢瀡嘅方式同大家可能有少少出入。