{ SKIP }
文:MenClub 艾力克  
POSTED ON 16 Aug 2021

嚟到科技發達嘅2021年,無論係叫外賣、購物、Call車、餐廳訂位都可以透過網上預約,為順應時代發展,近年中國一個賣淫集團就用Call車App「滴滴出行」做包裝,為用戶提供特別預約服務。只要撳開個山寨版「滴滴」,入面就會出現「附近好車」、「驗車報告」、「上車」等字眼,當然此車不到彼車,全部都係掩飾技巧。目前公安已拘捕255名涉案人士,案件仍進一步調查中。唔知香港會唔會有不法份子仿效整個山寨「Uber」呢?

個App入面有「驗車報告」,等下位「乘客」可以參考。

綜合中國媒體報導,早於2020年12月,廣東汕頭市公安檢查一名嫌疑犯手機時,發現一款仿照「滴滴出行」嘅境外非法App「x滴滴」,入面充滿各種網絡招嫖內容。經公安調查後發現,呢個App背後有組織咁聯合當地多家娛樂場所酒水銷售經理,並透過層層介紹關係,以線上線下形式招嫖賣淫。

經營者收到「訂單」後,就會喺群內向賣淫婦女「派單」。

酒水銷售經理負責介紹嫖客,而經營團隊就透過境內即時通訊App對賣淫婦女進行組織化管理,每當收到訂單時,就會即時喺群內「派單」。另外,有人更長期租用公寓當作「上車地點」,一邊收介紹費,一邊賺房租。經過公安長達半年調查,目前已拘捕255名疑犯,案件仍有待進一步調查。

資料來源:新浪新聞
相信每個有玩LEGO嘅人(又或者小朋友有玩),都會試過唔小心整跌咗幾粒LEGO落地,然後又一個唔覺意踩到,嗰下無情力加上地球嘅地心吸力,再加埋宇宙間嘅萬有引力,真係會痛到忍唔到_出聲,疼痛程度絕對堪比腳趾尾撞牆 ...
gags
【趣聞】踩中邊款LEGO最痛?日本網民認為係...
22 Sep 2022
記得細個讀書時,數學老師用咗成堂時間黎介紹平均數 (mean)、眾數 (mode) 及中位數 (Median)嘅差別,當時我心諗「咪又係表達緊個中間值,使咩分到咁清呀?」但日前一名研究日本文化嘅Twitter用家,就完美地展現咗錯 ...
gags
【趣聞】統計的應用 「日本人平均只有0.97粒睪丸」成Twitter熱話
22 Apr 2022