美國麻省理工大學計算機科學與人工智能實驗室(MIT CSAIL)最近研發咗一種體內GPS追踪系統「ReMix」，呢個系統可以協助追踪膠囊等嘅體內植入物嘅準確位置，甚至可以協助醫生利用膠囊確認腫瘤位置。

由MIT CSAIL研發嘅「ReMix」系統，係利用無線電反射原理追踪體內植入物，而為咗區別人體皮膚及體內植入物嘅回彈無線電信號，CSAIL科研人員用咗二極管增加無線電信號嘅多樣性，從而區分嚟自皮膚嘅反射信號。科研人員指出，「ReMix」系統嘅容錯率已經降低至厘米水平。

喺醫學界有以膠囊等形式嘅植入物協助檢測病症，但植入物體積細小，難以追踪植入物位置，而「ReMix」系統正正可以協助搵出體內植入物嘅準確位置。但科研人員表示，「ReMix」系統目前仲需要通過結合磁力共振掃描數據增加準確率，而算法亦要因應唔同嘅病人進行修改。

來源：Engadget