Switch嘅用家又有新Game喇，係《生化危機7》！但係留意返先，Capcom公佈《生化危機7》係會以「雲端」版本登陸Switch，即係話遊戲嘅運算會喺雲端，Switch主機只會接收畫面數據及傳送遊戲指令，所以安裝喺主機嘅遊戲大小只有45Mb。雖然遊戲佔主機容量唔多，但係對上網速度就有一定要求，所以要玩就要搵個WiFi勁嘅地方玩。

《生化危機7》將以租賃模式喺Nintendo eShop發售，售價為180天/2000日元，並將於5月24日開賣。此外，想知自己啱唔啱玩，同埋上網速度夠唔夠快，遊戲仲有15分鐘試玩添！

以下係《生化危機7》Switch版本嘅預告片！