【未來戰士？】無人機加裝M4空中開戰

文：MenClub 路兒　　
POSTED ON 18 Aug 2017

無人機玩法層出不窮，除咗一般休閒式影影相拍拍片之外，亦可以用嚟運貨快遞，更可以作偵測保安之用。如果將步槍加上無人機上，件事係咪突然升級，直頭係大殺傷力武器呢？

一間以色列機械技術研發公司Duke Robotics就開發了軍事級無人機平台TIKAD，概念其實就係瀨尿牛丸，將步槍加裝到無人機之上，透過其獨立平台，就可以遙距操控無人機射擊。TIKAD號稱可負載機身重量三倍的槍械，連M4、SR-25等較重型的半自動步槍，都可利用三軸穩定器加裝在六翼無人機下，然後用平板操控多角度開火。

Duke Robotics憑TIKAD獲得2006年美國國防部安全創新獎（WINNER OF THE SECURITY INNOVATION AWARD）。公司嘅CEO Raziel Atuar原來都大有來頭，曾任特種部隊指揮官，有多年實戰經驗，仲話恐怖份子專揀人口密集地方為目標，TIKAD可以幫助軍方於城市的空中狙擊恐怖份子，而減少地面部隊兵力，減低傷亡。

可能大家會疑惑，撞樹撞樓或者畀人射中點算？目前官方未有明確交代，畢竟仲喺集資階段，但以今時今日技術，成品出現一啲都唔難。過往外國都試過有人私下改裝無人機加裝槍械被檢，提提大家，危險勿試呀！